"TEKNOFEST Azərbaycan” festivalına qatılan Sumqayıt məktəblilərindən Təbiət elmləri təmayüllü gimnaziyanın 10-cu sinif şagirdi Rəvan Əlipaşayev festival zamanı "DN4” komandasının tərkibində "Baku skills” kateqoriyası üzrə iştirak edib və cihazın elektron hissəsini və proqram təminatını hazırlayıb.
Nəticələrə görə, 6 nəfərlik "DN4” komanda heyəti finalda 1-ci yerə layiq görülüb. Onlara mükafatları Prezident İlham Əliyev, Türkiyə Cümhuriyyətinin Prezidenti Rəcəb Tayyib Ərdoğan və türkiyəli alim, Nobel mükafatçısı Əziz Səncər təqdim ediblər.
Festivalın digər müsabiqəsində iştirak edən Texniki və Təbiət Elmləri Liseyinin şagirdləri 9-cu sinif şagirdi Ayan Yusifzadə 2-ci, 6-cı sinif şagirdləri Muhammed Babakişiyev 3-cü, və Ömər İsgəndərli isə 6-cı yeri tutub.
Xəbərdən istifadə edərkən istinad etmək vacibdir.
