Sumqayıtda Sağlamlıq imkanları məhdud uşaqlar üçün xüsusi məktəbdə Dünya Azərbaycanlılarının Həmrəyliyi Günü münasibəti ilə geniş tədbir təşkil olunub.
Xeberle.com xəbər verir ki, bu günün tarixi önəmindən bəhs edən məktəbin direktoru Arzu Alızadə xalqımızın həmrəyliyinin və birliyinin daim vacib olduğunu, iki il öncə torpaqlarımızın azad olunmasının Müzəffər Ali Baş Komandan, Prezident İlham Əliyevin rəhbərliyi altında məhz bu birlik və vəhdətin nəticəsində mümkün olduğunu söyləyib.
Sumqayıt Şəhər İcra Hakimiyyətinin əməkdaşı Fərman Kazımov tədbir iştirakçılarını Dünya Azərbaycanlılarının Həmrəyliyi Günü münasibəti ilə təbrik edib.
Çıxışlardan sonra Sağlamlıq imkanları məhdud uşaqlar üçün xüsusi məktəbin uşaqları tərəfindən ədəbi-bədii kompozisiyalar nümayiş olunub. Şeirlər söylənilib, mahnılar oxunub və rəqslər edilib.
Sonda Azərbaycan Respublikasının Prezidenti Yanında Dövlət İdarəçilik Akademiyasının İkinci təhsil "Menecment" fakütəsinin IV kurs tələbələri adından sağlamlıq imkanları məhdud uşaqlara hədiyyələr təqdim olunub.
Xəbərdən istifadə edərkən istinad etmək vacibdir.
