Azərbaycan ordusu 2023-cü ilin yanvarında hərbi gücünə görə Cənubi Qafqazda birinci olub.
Xeberle.com xəbər verir ki, bu barədə ABŞ-ın beynəlxalq analitik mərkəzi olan "Global Firepower" dünya ordularının gücü ilə bağlı 2023-cü il hesabatını dərc edib.
Həmin təhlilə əsasən, Azərbaycan ordusu 2023-cü ilin yanvarına 145 ordu arasında 57-ci yerdə qərarlaşıb.
Qeyd edək ki, sözügedən araşdırmalara görə, 2022-ci ildə Azərbaycan ordusu dünyada 63-cü sırada idi.
Onu da deyək ki, hesabatda Gürcüstan 85-ci, Ermənistan isə 94-cü yerdədir.
2023-cü il hesabatına görə, Türkiyə dünyada 11-ci, İran isə 17-ci yerdədir. Müharibədən əziyyət çəkən Ukrayna 15-ci yerdədir.
İlk beşlik isə ABŞ, Rusiya, Çin, Hindistan və Böyük Britaniyadır.
Xəbərdən istifadə edərkən istinad etmək vacibdir.
