Abşeron rayon Mədəniyyət Mərkəzində Sumqayıt Regional Mədəniyyət İdarəsinin tabeliyində fəaliyyət göstərən Saray qəsəbə Uşaq İncəsənət Məktəbinin Şuşa İli çərçivəsində "Qarabağ Azərbaycandır" adlı hesabat konserti keçirilib. Konsertdən öncə Mərkəzin foyesində məktəbin şagirdlərinin rəsm əsərləri sərgilənib.
Məktəbin xor kollektivinin "Şuşa fatehləri" ifası ilə başlanan tədbirdə vətənimizin azadlığı uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.
Sonra məktəbin istedadlı şagirdlərinin ifasında bir-birindən maraqlı, rəngarəng kompozisiyalar nümayiş etdirilib. Sonda çıxış edən Sumqayıt Regional Mədəniyyət İdarəsinin rəisi Rəşad Əliyev 44 günlük vətən müharibəsində xalqımızın bir yumruq kimi Müzəffər Ali Baş Komandan cənab İlham Əliyevin ətrafında sıx birləşməsinin və rəşadətli ordumuzun göstərdiyi igidlik salnaməsinin bütün dünyaya örnək olduğunun vacibliyini qeyd edib. Sumqayıt Regional Mədəniyyət İdarəsinə tabeli Saray qəsəbə Uşaq İncəsənət məktəbinin Şuşa İli çərçivəsində həyata keçirdiyi tədbirin əhəmiyyətindən bəhs edərək, məktəbin bütün şagird və müəllim heyətini təbrik edib, gələcək fəaliyyətlərində onlara uğurlar arzu edib.
Xəbərdən istifadə edərkən istinad etmək vacibdir.
