Sumqayıt Gənclər Evində bir qrup gəncin iştirakı ilə "Gənclərin İnklüziv İnkişafına Dəstək” İctimai Birliyi - təşəbbüs qrupunun ilk yığıncağı keçirilmişdir.
Tədbirdə ictimai birliyin təsisçisi Həsən Həsənli ölkə başçısı cənab İlham Əliyevin gənc nəslə diqqət və qayğısından, ölkəmizdə uğurla həyata keçirilən gənclər siyasətindən danışmış, ictimai birliyin məqsəd və vəzifələri, fəaliyyət istiqamətləri haqqında geniş müzakirələr aparılmışdır. Bildirilmişdir ki, təşəbbüs qrupunun başlıca məqsədi gənclərin – o cümlədən, sosial müdafiəyə ehtiyacı olan və risk qrupunda olan gənclərin elmi, fiziki və mənəvi inkişafına diqqəti artırmaq, bərabər imkanlar əsasında onların sosial müdafiəsini və cəmiyyətə inteqrasiyasını təmin etməkdir.
Daha sonra "Gənclərin İnklüziv İnkişafına Dəstək” İctimai Birliyinin təsis edilməsi qərara alınmaqla birliyin Nizamnaməsi qəbul edilmiş, həmçinin keçirilmiş səsvermə nəticəsində Nəzrin İmanzadə ictimai birliyin (təşəbbüs qrupunun) idarə heyətinin sədri, Firuzə Xankişiyeva sədr müavini, Zəhra Mahmudova isə ictimai əsaslarla baş katib vəzifələrinə seçilmişlər.
Sonda ictimai birliyin öz fəaliyyətini hüquqi şəxs statusunda davam etdirməsi üçün qısa zamanda müvafiq addımların atılacağı qeyd edilmişdir.
Xəbərdən istifadə edərkən istinad etmək vacibdir.
