O, uzun illər Sumqayıtın uğurları üçün çalışıb. Söhbət Seyfulla Səməd oğlu Əsədullayevdən gedir.

1967-ci ildə Alışar kənd səkkiziliik məktəbini bitirdikdən sonra Sumqayıt şəhərindəki 7 saylı Texniki Peşə Məktəbinə daxil olmuşdur. 1969-cu ildə peşə məktəbini bitirdikdən sonra təyinatla 1 saylı Sumqayıt Mexaniki Quraşdırma idarəsinə göndərilmişdir. Bu idarədə fəhləlikdən rəis vəzifəsinə kimi əmək yolu keçmişdir. 1979-cu ildə Sumqayıt Politexnik Texnikumunun axşam şöbəsini bitirmişdir. Sumqayıt şəhər Partiya komitəsinin göndərişi ilə 1981-84-cü illərdə Bakı Ali Partiya məktəbində ali və ali-siyasi təhsil almışdır .

Əsədullayev Seyfulla Səməd oğlunun rəhbərlik etdiyi 1 saylı Sumqayıt Mexaniki Quraşdırma idarəsi respublikanın və şəhərin bir sıra iri istehsal-sənaye obyektlərinin ,o cümlədən EP-300 kompleksi, Butadien istehsalı, Kür su kəməri, Bakı-Xaçmaz qaz kəməri, Səngəçal terminalında 1 saylı nasos yarımstansiyası, Bakı-Novorossiysk neft kəməri ,Aşqarlar zavodunun yenidən qurulması, Etilen Polietilen zavodunda Buxar Generator kompleksinin tikintisində iştitak etmişdir

2004-2006-cı illərdə Sumqayıt şəhər İcra hakimiyyətinin Nəqliyyat departamentinin rəisi vəzifəsində işləmişdir.

Əsədullayev Seyfulla Səməd oğlu Sumqayıt şəhərinin ictimai həyatında da fəal iştirak edir. 1990 -cı ildə Sumqayıt şəhər Sovetinin deputatı seçilmiş, 1999-cu ildən 3 çağırış Sumqayıt şəhər Bələdiyyəsinin üzvü seçilmişdir.

Əsədullayev Seyfulla Səməd oğlu xeyriyəçi, sahibkar kimi şəhərimiz və sakinlərimiz üçün bir çox faydalı işlər görmüşdür. Sosial layihələrin maliyyələşdirilməsində yaxından iştirak etmişdir.

Əsədullayev Seyfulla Səməd oğlu EP-300 qurğusunn bərpa işlərində fədəkar əməyinə görə Azərbaycan Respublikası Prezidentinin Fəxri Fərmanı ilə təltif edilmişdir.

Əsədullayev Seyfulla Səməd oğlu Sumqayıt şəhərinin 55 illiyi münasibətilə şəhərin inkişafında xüsusi xidmətlərinə görə Azərbaycan Respublikası Prezidentinin 23 dekabr 2004-cü il tarixli Sərəncamı ilə "Tərəqqi" medalı ilə təltif olunmuşdur.