Xidmət Sahələri üzrə Sumqayıt Dövlət Peşə Təhsil Mərkəzi Sumqayıtda böyük təntənə ilə qeyd edilən Novruz şənliyində şəhər icra başçısı Zakir Fərəcov, müxtəlif idarə, təşkilat və müəssisə rəhbərləri və şəhər sakinlərinin diqqətini cəlb edib.
Xalqımızın milli-mənəvi irsini, bolluğu, bərəkəti və xeyirxahlığı təcəssüm etdirən Novruz bayramı Sumqayıtda böyük təntənə ilə qeyd olunub.
Sumqayıt şəhər İcra Hakimiyyətinin təşəbbüsü ilə həyata keçirilən Bahar bayramında Xidmət Sahələri üzrə Sumqayıt Dövlət Peşə Təhsil Mərkəzinin müəllim və tələbələri iştirak ediblər. Şənlikdə mərkəz, burada tədris olunan müvafiq ixtisaslar üzrə tələbələrin əl işlərindən ibarət guşələr, mahnı, rəqs, müxtəlif alətlərdə musiqi nömrələri, bahar qızı, keçəl və kosa, Xurşidbanu Natəvan obrazları ilə PTMi təmsil edib.
"Kimyaçı” Mədəniyyət Sarayının qarşısında keçirilən bayram tədbirində Sumqayıt şəhər İcra Hakimiyyəti başçısı Zakir Fərəcov, hüquq-mühafizə orqanlarının, idarə, müəssisə və təşkilat rəhbləri və şəhər sakinləri iştirak edib.
Sumqayıt Şəhər İcra Hakimiyyətinin başçısı Zakir Fərəcov şəhər sakinlərini təbrik edərək, bayram tonqalını alışdırıb. Baharın ölkəmizə xoşbəxtlik, bolluq və firavanlıq gətirməsini arzulayıb. Şəhər rəhbəri vurğulayıb ki, Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi altında qalib Azərbaycan Ordusu doğma torpaqlarımızı işğaldan azad edib və xalqımız həmin torpaqlarımızda Novruz bayramının böyük coşqu ilə qeyd edir.
Tədbir iştirakçıları xalqımızın əsrlər boyu qoruyub saxladığı milli-mənəvi dəyərləri özündə əks etdirən səhnələrə, qədim adət-ənənələrimizin görüntülərinə, milli geyimlərimizin, mətbəximizin, xalq yaradıcılığının və sənətkarlığının ən gözəl nümunələrinə tamaşa ediblər.
Xəbərdən istifadə edərkən istinad etmək vacibdir.
