Abşeron rayon İcra Hakimiyyətinin təşkilatçılığı, Sumqayıt Regional Mədəniyyət İdarəsinə tabeli Abşeron rayon Mədəniyyət Mərkəzinin dəstəyi ilə Xırdalan şəhər Heydər Əliyev adına Mədəniyyət və İstirahət Parkında 1 İyun "Uşaqların Beynəlxalq Müdafiəsi Günü”nə həsr olunan "Uşaqlar bizim gələcəyimizdir” adlı yaradıcılıq festivalı keçirilib.
Xeberle.com xəbər verir ki, festival sağlam gələcəyimizin təməli olan övladlarımıza bayram əhvalı yaşatmaqla yanaşı həm də onların xoşbəxt, sağlam yetişməsinə, layiqli vətəndaş kimi formalaşmasına bir daha cəmiyyətin diqqətini yönəltmək məqsədi daşıyıb. Festivalda Abşeron rayon Uşaq İncəsənət, ümumtəhsil orta məktəblərin və məktəbəqədər tədris ocaqlarının kollektivlərinin ifasında bir-birindən maraqlı çıxışlar nümayiş olunub. Yaradıcılıq festivalı sakinlərin böyük marağına səbəb olub.
Xəbərdən istifadə edərkən istinad etmək vacibdir.
