"SABIS SUN International School” bu ilin Sentyabr ayından öz qapılarını Azərbaycan vətəndaşlarına açacaq. Dünyanın 15 ölkəsində 30-dan artıq məktəb kompleksinin daxil olduğu bu şəbəkədə 65 mindən artıq şagird təhsil alır. Beynəlxalq standartlara tam cavab verəcək bu məktəb kompleksində təhsil ingilis dilində aparılacaq. Bundan əlavə şagirdlərə ikinci xarici dil seçmək imkanı da yaradılacaq. Qeyd edək ki, ötən ilin Sentyabr ayında "Azersun Holding” şirkətlər qrupu dünyanın ən məşhur məktəblər şəbəkələrindən biri olan "SABIS” ilə müqavilə imzalayıb.

"Xeberle.com” xəbər verir ki, məktəbə 5 yaşı tamam olmuş uşaqların qəbulu aparılacaqdır. Hazırda "SABIS SUN International School” müəllimlərin işə qəbuluna da başlayıb.

"Azersun Holding”ə məxsus "Dreamland” yaşayış sahəsində yerləşən "SABIS SUN International School” məktəb və kampusdan ibarətdir. Bu təhsil ocağında müxtəlif fənlərin tədrisindən əlavə idmana məşğələlərinə də böyük diqqət ayrılacaq. Belə ki, burada təhsil alanlar üçün xüsusi idman kompleksinin inşası da nəzərdə tutulub. Kompleksdə futbol və voleybol meydançaları, üzgüçülük hovuzu və digər idman növləri üçün müxtəlif sahələr hazırlanacaq. "SABIS” məktəblərində şagirdlərin intelektual səviyyələrinin yüksəldilməsi üçün həfftə sonu tədbirləri, yay məktəbləri və digər tədbirlər həyata keçiriləcək.

Beynəlxalq standartlara tam cavab verəcək bu məktəb kompleksində təhsil ingilis dilində aparılacaq. Bundan əlavə şagirdlərə ikinci xarici dil seçmək imkanı da yaradılacaq.

Qeyd edək ki, məktəb Zığ-Hava limanı yolu üzərində, Binə qəsəbəsində - "Dreamland” yaşayış sahəsində yerləşir. Dreamland”250 hektar sahəni əhatə edir. Burada 2000 villa, yaşayış binaları, "Townhouse” (2-3 mərtəbəli yaşayış binaları), qolf klubu, ticarət mərkəzi, ofis, klinika, otel, idman-fitness və əyləncə mərkəzləri inşa edilir.

"SABIS SUN International School” haqqında daha ətraflı məlumatı buradan əldə edə bilərsiniz.