Xaçmaz şəhərində “ İnteqrasiyalı Gənclik” adlı həyata keçirilib. Layihənin koordinatoru Günel Hüseynovanın portalımıza bildirdiyinə görə, layihə Xaçmazda olan QHT fəalları üçün təlim kursu nəzərdə tuturdu. Dəvət olunmuş ekspert və mütəxəssislər tərəfindən aparılan təlimlərdə Xaçmaz şəhərindən olan QHT təmsilçilərinə Avropa komissiyası, Avropa İttifaqı nədir, onların təşkilatı strukturu, onlar arasında olan fərq, Avropa İttifaqına daxil olan ölkələr və eləcə də Avropada təhsil proqramları, Avropada olan Gənclər Mübadiləsi proqramları, təcrübə proqramları, Avropa ölkələrində olan böyük QHT-lər və onların uzun müddətli və davamlı layihələri, həmin layihələrə müraciət qaydaları, ərizə formalarının doldurulması, motivasiya məktubunun yazılması, beynəlxalq əlaqələrin qorunub saxlanması haqqında 2 günlük (TOT) kursu təşkil olunub.

Layihənin əsas məqsədi hazırkı Azərbaycan Gəncliyinin Avropaya İnteqrasıyasını təmin etmək, gənclər arasında olan məlumat azlığını aradan qaldırmaq və onları yuxarıda sadalanan mövzularda marifləndirmək, eyni zamanda onların Avropa təhsil və ya inkişaf proqramlarında iştirakına təkan vermək və Azərbaycanı Avropada tanıtmaqdır.

Layihə Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilir.

Xeberle.com