Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası Azərbaycan Demokratik Tələbə Gənclər Təşkilatı ilə birgə əməkdaşlıq çərçivəsində bu ilin martın 18-dən aprelin 13-dək "ŞUŞAYA AZADLIQ”beynəlxalq kampaniyasının loqosunun müəyyənləşdirilməsi məqsədilə beynəlxalq loqo müsabiqəsi elan etmişdi. Müsabiqə Azərbaycan Respublikasında və xarici ölkələrdə fəaliyyət fəaliyyət göstərən, yaşayan qeyri-hökumət təşkilatları (QHT), yaradıcı təşkilatlar və fiziki şəxslər üçün nəzərdə tutulmuşdu.

ADTGT ictimai əlaqələr və informasiya departamentindən Xeberle.com-a verilən məlumata görə, müsabiqənin elandan sonrakı müddətdə 10 günə yaxın iş günün olmaması, yaradıcı şəxslərin, eləcə də xarici vətəndaşların müsabiqəyə marağını, diqqətini və eləcə də daha da kreativ konsepli loqoların təqdim olunmasına imkan yaratmaq üçün Təşkilat Komitəsi loqo müsabiqəsinin vaxtının 20 aprel 2015-ci il tarixədəkuzadılması haqda qərar qəbul etmişdir.

Xatırladaq ki, müsabiqədə iştirak edən hər bir şəxs maksimum 2 loqo versiyası (eskizi) ilə çəxış edə bilər. İştirakçı şəxslər öz loqo təklif(lər)ini "müsabiqəyə qatılmaq üçün ərizə forması” ilə birgə 20 aprel 2015-ci ilədək elektron poçtla [email protected]-a təqdim etməlidir.

Loqo əvvəllər yayımlanmamış olmalı, öncə yaradılmış loqolara və ya onların komponentlərinə tam uyğun gəlməməli və Konsepsiyaya uyğun onun məzmununu əks etdirməlidir.

Loqo tarixi Azərbaycan şəhəri, Qarabağ xanlığının mərkəzi olmuş qədim Şuşa şəhərinin çoxəsrli və müxtəlif kaloritli mədəniyyətini, zəngin mədəni irs abidələrini və milli arxitekturasını, təkrarolunmaz təbiətini və təbii-rekreativ resurslarını dünyaya nümunə olacaq, geniş ictimai maraq kəsb edəcək şəkildə tanıtmalı və təbliğ etməlidir. Loqoda Şuşa şəhərinin işğal həqiqətləri, onun maddi-mədəni sərvətlərinin dağıdılmasına yönələn erməni vandal hərəkətlərinə etiraz, beynəlxalq dəstək, Şuşa üçün sülh və azadlıq çağırışları kimi məqamlar da öz əksini tapmalıdır.

Orijinallığı yaradılmış ekspert komissiyası tərəfindən ən yüksək qiymətləndirilən loqo qalib loqo kimi seçiləcək və 29 aprel 2015-ci il tarixdə geniş ictimai təqdimatla elan ediləcəkdir. Seçilmiş loqo "Şuşaya Azadlıq” beynəlxalq kampaniyasının rəsmi loqosu statusunu alacaq və loqodan istifadə hüququ Şuraya və kampaniyaya məxsus olacaqdır.

Qalib loqo müəllifi Şura tərəfindən2 000 AZN pul mükafatıyla və diplomla mükafatlandırılacaqdır.

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının Azərbaycan Demokratik Tələbə Gənclər Təşkilatı ilə birgə əməkdaşlığı çərçivəsində "ŞUŞAYA AZADLIQ” beynəlxalq kampaniyasının rəsmi loqosunun müəyyənləşdirilməsi məqsədilə beynəlxalq loqo müsabiqəsi

MÜSABIQƏYƏ QATILMAQ ÜÇÜN ƏRIZƏ FORMASI

_________________________________________________________________________

Bakı şəh., AZ 1070, Yeni Yasamal 2, ev 2, mən. 82, tel.: (+994 12) 434 46 44, mob. (+994 50) 211 52 74, e-mail: [email protected]