Bu gün dünyada insan alveri öz
miqyasına görə silah alverindən sonra ikinci geniş və ən çox gəlir gətirən sahə
hesab olunur.
İnsan alverinə məruz qalanlar arasında qadınlar,kişilər
və uşaqlar da olduğundan bu problem demək olar ki , cəmiyyətin bütün fərdlərini əhatə edir
və çözümü də ümumi
iştirakı, daha
çox ictimaiyyətin maarifləndirilməsi kimi yanaşmalar tələb edir.
Bu məqsədlə Qadın Təşəbbüsü və Sosial Problemlərin
Həllinə Yardım İçtimai Birliyi Azərbaycan Respublikasının Qeyri-Hökumət Təşkilatlarına
Dövlət Dəstəyi Agentliyi tərəfindən maliyyələşən "İnsan alverinin qarşısının
alınması və profilaktikasının gücləndirilməsinə yönəlmiş əhalinin maarifləndirilmə
və məlumatlandırılma tədbirlərinin təşkili” layihəsi icra edir. Layihənin
icrası 03.07-30.09.2023-ci il dövrünü əhatə edir.
03.08.2023-ci il tarixdə Birliyin ofisində layihənin
təqdimat mərasimi keçirilmiş, layihədə nəzərdə tutulmuş fəaliyyətlər barədə
buklet və broşurlar əhali arasında paylanılmışdır.
İcrası davam edən layihə çərçivəsində insan alveri
və potensial qurbanlara, risk qrupuna daxil olan şəxslərə ödənişsiz hüquqi və
psixolojifərdi məlumatlandırma xidmətləri göstərilir. Layihə çərçivəsində artıq
12 nəfər şəxs davamlı fərdi psixoloji konsultasiyadan yararlanmışdır. Müraciət
etmiş 20 nəfər şəxsə hüquqi dəstək göstərilmişdir, 8 nəfər şəxs üçün müxtəlif
qurumlara ərzilər yazılmış və məhkəmədə vəkil ilə təmsil olunmuşdur.
Hüquqi fərdi
məlumatlandırma üçün müraciətlər əsasən boşanma,aliment, mülki, vərəsəlik və
digər mövzuları əhatə edib.
Qeyd edək ki, layihə dövründə insan alveri ilə
mübarizə mövzusunda TV proqramların nümayişi,maarifləndirici təlimlərin və
mövzu ilə bağlı dəirmi masaların keçirilməsi də nəzərdə tutulub.
Xəbərdən istifadə edərkən istinad etmək vacibdir.
