Sumqayıt şəhər Saray körpüsü ərazisində aparılan təmir və yenidənqurma işləri ilə əlaqədar bir sıra ərazilərdə qaz verilişi müvəqqəti olaraq dayandırılacaq.
Xeberle.com-un məlumatına görə, 06 noyabr 2025-ci il tarixində saat 08:00-dan etibarən tikinti sahəsinə düşən və kənara köçürülmüş qaz xətlərinin mövcud şəbəkəyə qoşulması ilə bağlı işlər görüləcək.
Bu səbəbdən Sumqayıt şəhərinin 16-cı, 17-ci, 20-ci və 21-ci mikrorayonları, həmçinin Corat qəsəbəsi və Corat bağları, 51 və 52-ci məhəllələr, Qurd dərəsi–Saray bağları ərazilərində yaşayan təxminən 15 min abonentin qaz təchizatı müvəqqəti olaraq dayandırılacaq.
Qaz verilişi işlər tamamlandıqdan dərhal sonra bərpa ediləcək.
Xəbərdən istifadə edərkən istinad etmək vacibdir.
