Evdə, ofisdə, avtomobildə və bir çox ictimai yerlərdə istifadə olunan kondisionerlər təqdim etdikləri rahatlıq ilə yanaşı, ölümcül risklər də daşıyır.
Xeberle.com kondisionerlərdə görünməyən təhlükələri sizə təqdim edir:
- Kondisionerin vurduğu soyuq hava ilə burundakı konka dediyimiz strukturlar şişir və burun tıkanıklığına səbəb olur. Sağlamlıq üçün ideal olan burun nəfəsi yerinə ağızdan nəfəs almaq müxtəlif boğaz və aşağı tənəffüs yollarında problemlərə səbəb ola bilər.
- Allergik və astmalı xəstələr kondisionerli bir mühitə daxil olduqda, yəni ani temperatur və rütubət dəyişikliyinə məruz qaldıqda, daha çox burun tutulması, burun axması və ya gözlərdə yanma və qaşınma kimi əlamətlər göstərə bilər.
- Xroniki sinüzitli xəstələrdə oxşar mexanizmlərlə simptomlar arta bilər. Birbaşa kondisionerə məruz qalan insanlarda; üz iflici, əzələ sərtliyi və ağrı meydana gələ bilər.
- Legioner xəstəliyi
Qripə bənzər bir şəkil ilə xarakterizə olunan xəstəliyin iki forması var, Pontiac qızdırması və ağır pnevmoniya.Bu xəstəlik ilk dəfə 1976-cı ildə Pensilvaniya legionerlərinin yığıncağına qatılan insanlarda müşahidə edilib və bunun iclas otağındakı havalandırma sistemindən qaynaqlandığı anlaşılıb.
Xəstəliyə Legionella Pneumophilia adlı bakteriya səbəb olur. Bu bakteriya uyğun rütubət və temperaturda kondisionerlərin filtr sistemlərində məskunlaşır və oradan ətraf havaya yayılır. Tez-tez hotellərdə və xəstəxanalarda baş verən epidemiyalar olur, lakin fərdi hallar da nadir deyil. İnsandan insana yoluxma müşahidə edilməyib. Buna görə də böyük hotellərdə və iş yerlərində çalışanlar, havalandırma işçiləri və tibb işçiləri riskli qruplardır. Diabet xəstələri, alkoqoliklər, yaşlılar və körpələr, kortizon müalicəsi alanlar, kimyaterapiya alanlar, böyrək çatışmazlığı və xroniki ağciyər xəstəlikləri olanlar və siqaret çəkənlər daha asan xəstələnirlər.
Xəstələrdə geniş yayılmış əzələ ağrıları, baş ağrısı, zəiflik, qızdırma, narahatlıq var. İlk iki gündə şiddətli olan quru öskürək görünür. Bulantı, qusma, ishal, qarın ağrısı kimi mədə-bağırsaq simptomları ola bilər. Xəstələrin 20%-də sinir sistemi təzahürləri, həyəcan, konsentrasiya pozğunluğu və hətta koma müşahidə edilə bilər. Bu şikayətlərlə başqa klinikalarda müalicə alan xəstələrdə döş qəfəsinin rentgenoqrafiyası çəkildikdə pnevmoniya diaqnozu qoyulur. Müvafiq vaxt və dozada istifadə edilən antibiotiklərlə xəstəliyin sağalması tam olur.
- Kondisionerlərə hər il texniki və dezinfeksiya işləri aparılmalıdır.
- Kondisionerlərin daxili bloklarındakı filtrləri tez-tez təmizləmək lazımdır. İldə 2 dəfə yaz və payız aylarında evdə və bəzi istifadə sahələrində; Ofislər və iş yerləri kimi insanların sıx olduğu mühitlərdə filtrlər hər 3 aydan bir təmizlənməlidir və ya dəyişdirilməlidir.
- İctimai nəqliyyat vasitələrində və avtomobillərdə çöldən təmiz hava olan seçimə üstünlük verilməli, eyni havadan nəqliyyat vasitəsinin içərisində istifadə edilməməlidir.
Xəbərdən istifadə edərkən istinad etmək vacibdir.
