Son günlərdə Sumqayıt şəhəri müxtəlif ərazilərində elektrik enerjisinin verilməsində ciddi problemlər yaranıb.
Xeberle.com məlumat verir ki, sakinlər tərəfindən daxil olan şikayətlər əsasında məsələni araşdırdıq.
"Azərişıq” Açıq Səhimdar Cəmiyyətinin sədr müavini Ramil Yusifov məsələ ilə bağlı açıqlama verib. Onun sözlərinə görə, elektrik enerjisinin verilməsində baş verən kəsintilərin səbəbi artıq yüklənmələrdir.
"Problemdən xəbərdarıq, məsələ ilə bağlı əməkdaşlarımız havanın isti olmasına baxmayaraq sahədə çalışırlar. Xətlərdə baş verən yüklənmələr elektrik enerjisinin verilməsində kəsintilərə səbəb olub. Havanın isti keçməsi ilə əlaqədar naqillərdə qızma halların baş verməsi də xətlərdə nasazlıqlar yaradıb. Hazırda baş verən nasazlıqları aradan qaldırmaq üçün çalışırıq”, - deyə Ramil Yusifov bildirib.
Aygün İsmayılova
Xəbərdən istifadə edərkən istinad etmək vacibdir.
