Sumqayıtda ölüm hadisəsi qeydə alınıb. Xeberle.com məlumat verir ki, hadisə şəhərin 17-ci mikrorayonunda sabah açılışı planlaşdırılan "Rahat" marketdə baş verib. Hadisə şahidlərinin söylədiyinə görə orada çalışan fəhlə marketin içində hərəkət edən ekskalatorun arasında qalaraq dünyasını dəyişib. Hazırda əraziyə təcili tibbi yardım və polis avtomobilləri gəlib.
***
Hadisə ilə bağlı Sumqayıt şəhər Təcili Tibbi Yardım Stansiyasının növbətçi hissəsi ilə əlaqə saxladıq. Oradan Xeberle.com-a bildirdilər ki, hadisə ehtiyatsızlıq nəticəsində baş verib, yeni lift yoxlanış üçün istismara buraxılıb və fəhləni lift kabinəsində divara sıxıb. Dünyasını dəyişən şəxs 1990-cı il təvəllüdlü Qurbanov Ruslan Taleh oğludur.