Almaniya səfirinin müavini Marsel Vietor, Avstriyanın müvəqqəti işləri vəkili Gerard Lutz, Macarıstanın hərbi attaşeləri Sari Szabols və Zsolt Lenard Sumqayıtda alman, macar və avstriyaəsilli əsirlərin dəfn edildiyi məzarlıqda olublar.
Mərasimdə diplomatla bərabər, səfirliyin əməkdaşları, Sumqayıt Şəhər İcra Hakimiyyətinin rəsmiləri iştirak ediblər.
Qeyd edək ki, Azərbaycanda İkinci Dünya müharibəsi iştirakçıları olan əsirlərin dəfn olunduğu 11 məzarlıq və 2 986 məzar var. Onlardan biri də Sumqayıt şəhərində yerləşir. Məzarlıqda dəfn olunan 311 əsirdən 269-u alman, 6-sı macar, qalanları isə avstriyalıdır. Əsirlər Sumqayıt şəhərinin salınması işində iştirak edib və müxtəlif səbəblərdən dünyasını dəyişərək burada dəfn olunublar.
Hər il noyabr ayında Almaniya, Avstriya və Macarıstan səfirliklərinin nümayəndələri buraya gələrək məzarlığı ziyarət edirlər.(report.az)
Xəbərdən istifadə edərkən istinad etmək vacibdir.
