Sumqayıt şəhərinin 15-ci məhəllənin sakinləri uzun zamandır davam edən kanalizasiya problemindən şikayətçidir. Onlar aidiyyəti qurumların səhlənkarlığı ucbatından antisanitariya şəraitində yaşayırlar. Buna səbəb isə, küçələrindən keçən kanalizasiya kanalıdır.
Xeberle.com-a müraciət edən sakinlər deyir ki, 19-cu yataqxananın kanalizasiyası aşıb-daşır. Ərazidə yaşayanlar yolların pis vəziyyətə düşməsində və dolub-daşan kanalizasiyanın yaratdığı natəmizlikdən və üfunətdən təngə gəliblər. Küçədə yağış barmaqçıqlarının olmaması üzündən bu küçənin sakinləri divarların dibi ilə özlərinə cığır salmaq məcburiyyətində qalıblar:
"Bu gölməçəni keçmək üçün məktəblilər çətinlik çəkirlər. Valideylər uşaqlarını qucaqlarına alıb gölməçəni keçirtməli olurlar. Kanalizasiya suları yola dolur. Camaat qapısını açıb içəri keçə bilmir. Nəcis axıb yola tökülür. Allah eləməsin küçədən keçəndə bir maşın keçsə yanımızdan üstümüz çamura bulaşır".
Sakinlərin dediyi kimi, azyaşlı uşaqlar təkbaşına bu yoldan keçib dərsə gedə bilmirlər. Yağış suları həm sakinlərə, həm sürücülərə, həm də avtomobillərə ciddi çətinliklər törədir.
Elşən Yəhyayev
Qeyd: Mövzunu davam etdirəcəyik.
Xəbərdən istifadə edərkən istinad etmək vacibdir.
