Sumqayıt Şəhər Mədəniyyət Evi, Heydər Əliyev Mərkəzi "Gender bərabərliyinə etibarlı hüquqi zəmin”adlı dəyirmi masa keçirib.
Xeberle.com xəbər verir ki, aparıcı şairə Lilpar Cümşüdqızı gender bərabərliyi haqqında məlumat verib. Çıxış edən Vəkillər Kollegiyasının üzvü Günel Səfərli ölkəmizdə insan hüquq və azadlıqlarının tərkib hissəsi kimi gender bərabərliyinin təmin edilməsinin daim dövlət siyasətinin prioritet istiqamətlərindən biri olduğunu qeyd edib. Bildirib ki, bu gün nəinki ailə, məktəb və iş yerləri, həmçinin yeni informasiya texnologiyalarının, müsiqi, filmlər də daxil olmaqla kütləvi informasiya vasitələrinin də sosiallaşmaya təsir göstərir.
Dəyirmi masada Heydər Əliyev Mərkəzinin direktoru Vüsalə Qurbanova, Şəhər Mədəniyyət Evinin direktoru Elnarə Rəşidova bədii rəhbər Kəmalə Aslanova Azərbaycan cəmiyyətində, ümumilikdə Azərbaycan Ordusunda gender bərabərliyinin və milli-mənəvi dəyərlərimizin təbliği istiqamətində görülən işlərdən geniş, məzmunlu çıxışlar ediblər.
"Veteranlar” xalq xorunun konsertmeysteri Vəliyeva Turanə, Heydər Əliyev Mərkəzinin fond müdiri
Fatima Tanrıverdiyeva Xidmət Sahələri üzrə Sumqayıt Dövlət Peşə Təhsil Mərkəzinin şagirdləri ilə mövzuya uyğun yarış keçiriblər. Diskussiyalar və müzakirələrdə şagirdləri maraqlandıran suallar ətraflı şəkildə cavablandırılıb.
Sonda videoçarx nümayiş olunub.
Kəmalə Aslanova
Şəhər Mədəniyyət Evinin rəhbəri
Xəbərdən istifadə edərkən istinad etmək vacibdir.
