Bu gün Sumqayıt Regional Vəkil Bürosunun 5 yaşı tamam olur. Büroda vətəndaş məmnunluğunun, vətəndaşların və təşkilati-hüquqi formasından asılı olmayaraq bütün idarə və təşkilatların hüquqi yardıma sürətli əlçatlılığı təmin edilir. Sumqayıt Regional Vəkil Bürosunun vəkili Rəşad İldırımzadə Xeberle.com-un əməkdaşı ilə həmsöhbət olub:

- Bu gün artıq beş iliniz tamam oldu...

- Bəli, Sumqayıt Regional Vəkil Bürosu bir neçə il öncə təsis edilmişdir. Zaman sürətlə ötür, bu gün artıq 5 yaşımızı qeyd edirik. Bu illər ərzində bizə müraciət edən şəxslərə yüksək keyfiyyətli hüquqi yardım göstərilmişdir. Belə ki, bir sıra bəraət hökmlərinin alınmasında rol oynamışıq. Ümumiyyətlə, vətəndaşların problemlərinin həll olunmasında yaxından iştirak etmişik.

- Büronun vəkilləri tərəfindən aztəminatlı ailələrə hüquqi yardım edilirmi?

- Təbii ki, davamlı olaraq edilir. Azərbaycan Respublikası Vəkillər Kollegiyasının dəstəyi ilə Sumqayıt şəhərində aztəminatlı ailələrin problemlərinin həll olunması üçün pulsuz hüquqi yardım göstərilməsi barədə davamlı aksiyalar da təşkil edilib. Bundan başqa, Sumqayıt Regional Vəkil Bürosunun Sumqayıt şəhər deputatları və Yeni Azərbaycan Partiyası (YAP) ilə birgə əməkdaşlıq müqavilələri olmuşdur. Həmin müqavilələrə əsasən, onlar tərəfindən göndərilmiş maddi yardımlarla aztəminatlı ailələrə pulsuz hüquqi yardımlar göstərilib. 

- Şəhər rəhbərliyi tərəfindən fəaliyyətinizə diqqətə göstərilirmi?

- Əlbəttə, bu cür fəaliyyətimiz şəhər rəhbərliyinin diqqətindən kənar qala bilməz. 2022-ci ildə Sumqayıt şəhər İcra Hakimiyyətinin başçısı cənab Zakir Fərəcovun sərəncamları ilə büromuzun vəkilləri xidmətlərinə görə təltif olunublar. 

- Digər vəkil bürolarında şəhid ailələri və qazilərə xidmət ödənişsizdir. Bəs sizdə?

- Büromuzda şəhid ailələri və qazilərə tam ödənişsiz şəkildə xidmət göstərilir. Onların hüquqi problemləri əvvəldən sonadak diqqətdə saxlanılmaqla, köməklik göstərilir. 

- Tək Sumqayıt üzrə faəliyyət göstərirsiniz?

Vəkillik fəaliyyəti haqqında qanuna əsasən, vəkilin fəaliyyəti hər hansı bir ərazi ilə məhdudlaşmır. Yəni, Azərbaycanın bütün regionlarında xidmət göstəririk. Xidmətimiz digər regionlarda da davam edir. Vətəndaşlara keyfiyyətli hüquqi yardım göstərməyə hər an hazırıq. 
-Xeberle.com-un kollektivi adından sizi təbrik edir, fəaliyyətinizdə uğurlar arzu edirik.
- Diqqətiniz üçün təşəkkür edirəm.


Söhbətləşdi: Elşən Yəhyayev