Kiçik Azərbaycan hesab etdiyimiz Sumqayıtın Azərbaycanın mədəni əlaqələrində özünəməxsus yeri var. Sumqayıt şəhərinin mədəni əlaqələrinin tarixinə nəzər salanda ilk əvvəl diqqəti cəlb edən Sumqayıtın qardaşlaşdığı şəhərlərlə münasibəti əsasən göz önünə gəlir. Sovet dövründə xarici əlaqələrlə bağlı mövcud məhdudiyyətlərə baxmayaraq Sumqayıt şəhəri bir neçə ölkə ilə dostluq əlaqələri qurub. Azərbaycan müstəqillik qazandıqdan sonra da bu əlaqələr genişlənmiş və hazırda da davam etdirilir. Qurulan əlaqələr qardaşlıq səviyyəsinə gəldi çatıb və Sumqayıt şəhəri dünyanın 13 şəhəri ilə qardaşlaşıb. Belə ki, Sumqayıt  Almaniyanın Lüdviqshafen, İtaliyanın Bari və Genuya, Ukraynanın Çerkası, Çin Xalq Respublikasının Çyu Cou, Türkiyənin Ceyhan və Samsun, Gürcüstanın Rustavi, Belarusun Mogilyov, Avstriyanın Linz, Rumıniyanın Piteşti, Qazaxıstanın Aktau və Rusiyanın Nevinnomıssk şəhərləri ilə qardaşdır.
Sumqayıt TV  respondentlərə "Sumqayıtla qardaşlaşmış şəhərlər hansılardır?"sualı ilə müraciət edib. Bəs sumqayıtlıların cavabı nə olub? Xeberle.com Sumqayıt TV-yə istinadən (sumqayit.tv) həmin videosorğunu təqdim edir.