Azərbaycan Respublikası Prezidenti yanında Gənclər Fondunun maliyyə dəstəyi ilə Beyləqan rayonunda “Vətənini Sev” adlı layihə həyata keçirilib. Tədbiri giriş sözü ilə açan layihə rəhbəri Bəxtiyar Rəhimov son illərdə ölkəmizdə həyata keçirilən gənclər siyasətindən danışaraq qeyd edib ki, bu gün gənclərin vətənpərvərlik ruhunda tərbiyəsi çox önəmlidir. Daha sonra o, layihə haqqında ətraflı məlumat verib. O bildirib ki, layihənin keçirilməsində məqsəd Azərbaycan həqiqətlərini, Ermənistan silahlı birləşmələri tərərfindən işğal olunmuş torpaqlarımızı, Xocalı soyqırımını, Qanlı 20 Yanvarı unutmamaq, Milli Qəhrəmanlarımızı tanıtmaq, qəlblərimizdə daimi yaşatmaq və gələcək nəsillərə çatdırmaqdır.

Tədbirdə layihə rəhbəri Bəxtiyar Rəhimov, Beyləqan rayon İcra Hakimiyyətinin nümayəndəsi Nicat Əliyev, Beyləqan rayon Gənclər İdman İdarəsinin nümayəndəsi Oruc Vəliyev və Beyləqan Gənclərinin Maarifləndirilməsi və Sosial İnkişaf İctiami Birliyinin sədri Zaur Quliyev iştirak edib.

 

Tədbirin sonunda iştirak edən gənclərə “Vətənini Sev” layihəsi çərçivəsində Azərbaycan Respublikasının Bayrağı, Şəhadətnamə və dəftərxana dəsti (qələm, bloknot, qovluq) hədiyyə edilib.

Xeberle.com