Qadınlar kişilərdən daha güclü və sağlamdırlar. Çox ölkələrdə orta ömür göstəricisinə görə, qadınların uzun yaşaması da bunu sübut edir. 

Qadınlar nə üçün kişilərdən daha sağlamdırlar? Ekspertlər deyir ki, yaşlanma ilə qanımızdakı insulin səviyyəsi arasında əlaqə var. İnsulin hormonu keyfiyyətli qocalma və yaşlanmanın sürətini azaltmaq baxımından önəmlidir. Buna görə də xüsusilə 40-yaşdan sonra insulin səviyyəsi izlənməlidir. Yaxşı yaşlanmaq üçün əzələ hüceyrələri önəmlidir. Güclü əzələlərə sahibsinizsə yaşlanmanız daha yaxşı olacaq. Vaxtında hərəkət etmək, idmanla məşğul olmaq əzələləri gücləndirir. Şəkərli məhsullardan çox istifadə etmək hormonal problemlərə yola aça bilər. Bu, qadınlarda özünü tüklənmə, sızanaqlar kimi problemlərlə göstərir. Kişilərdə isə bu, testosteron hormonunu azaldır. Yaş keçdikcə şəkəri-şirniyyatı azaltmalıyıq. Yaş ötdükcə qidalanma-beyin münasibəti çox önəmli hala gəlir. Beyin mərkəzi- sinir sistemi şəkərin azından da, çoxundan da xoşlanmır. Qadınların kişilərdən daha gec qocalmasının səbəbləri bunlardır:

• Qadınlar daha az hallarda içki, siqaret aludəçisi olurlar.

• Qadınlar həkim müayinələrinə kişilərdən daha çox diqqət ayırırır.

• Qadınlar qəzalara qarşı daha diqqətlidirlər və ehtiyatı əldən vermirlər. • Zərif cins düzgün və sağlam qidalanmaya diqqət edirlər.

• Qadınlar daha çox hərəkət edir, çəkilərinə fikir verirlər.

• İncə məxluqlar ailə, dostluq münasibətlərinə önəm verir, ünsiyyəti daim qorumağa çalışır.

• Qadınlar daha səmimi olurlar.

• Cinsi xəstəliklərə qarşı daha həssasdırlar. Qorunma yollarına mütləq önəm verirlər.(interpress.az)