6 may tarixindən Azərbaycan Demokratik Tələbə Gənclər Təşkilatının (ADTGT) təşkilatçılığı, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının təşəbbüsü və maliyyə dəstəyi ilə başlanan "ŞUŞAYA AZADLIQ” kampaniyasına beynəlxalq ictimai, mədəni-humanitar dəstək xarakterli Bakı Toplantısı öz işinə başlayıb  

ADTGT ictimai əlaqələr və informasiya departamentindən Xeberle.com-a verilən məlumata görə,

Şuranın təşəbbüsünün davamı olaraq icra olunan,"ŞUŞAYA AZADLIQ” beynəlxalq kampaniyasının xarici tərəfdaşlarının Bakı Toplantısı adlanan layihə Ermənistan silahlı qüvvələri tərəfindən işğal olunan, 23 ildi işğalda saxlanılan, tarixi, milli abidələri dağıdılan qədim Azərbaycan şəhəri, "Qafqazın musiqi beşiyi” adlandırılan Şuşa şəhərinin – zəngin mədəniyyət mərkəzinin işğal həqiqətlərini dünyaya çatdırmaqda, Şuşa mədəni irsinə yönələn dağıdıcı hərəkətlərin dayandırılmasında, bu sahədə ədalətin bərpasında xarici ölkələri, onların QHT-lərini, mədəniyyət xadimlərini, əcnəbi tərəfdaşları birgə silsilə fəaliyyətlərə və təbliğat işlərinə cəlb etməkdən bəhs edir.

Layihə çərçivəsində bu ilin may ayının 3-də Azərbaycana 19 xarici ölkə (Türkiyə, Bosniya və Herseqovina, Serbiya, Xorvatiya, Bolqarıstan, Yunanıstan, İspaniya, Belçika, İsrail, Polşa, Rumıniya, Estoniya, Latviya, Litva, Ukrayna, Moldova, Belarus, Gürcüstan və Sudan) QHT rəhbərlərinin səfərləri başlamışdır.

Proqram daxilində əcnəbi tərəfdaşlar Fəxri Xiyabanı, Şəhidlər Xiyabanını ziyarət etmiş, Azərbaycan Respublikasının Prezidenti yanında QHT-lərə Dövlət Dəstəyi Şurasında Şura sədri Azay Quliyevlə, "Dağlıq Qarabağ bölgəsinin Azərbaycanlı İcmasında” Şuşa rayon İcra Hakimiyyətinin başçısı Bayram Səfərovla görüşlər keçirmiş və müzakirələr aparmışlar.

"Mədəni irsi qoruyaq – sülhlə gələcəyi təmin edək” devizi altında keçirilən "ŞUŞAYA AZADLIQ” beynəlxalq kampaniyasının xarici tərəfdaşlarının Toplantısının rəsmi açılışında AR Baş nazirinin müavini cənab Əli Həsənov, Prezident Administrasiyası ictimai-siyasi məsələlər şöbəsi müdirinin müavini cənab Tahir Süleymanov, Prezident yanında QHT-lərə Dövlət Dəstəyi Şurasının sədri, Milli Məclisin deputatı Azay Quliyev, Şuşa rayon icra hakimiyyətinin başçısı cənab Bayram Səfərov, millət vəkilləri, müxtəlif nazirliklərin məsul şəxsləri, QHT və KİV təmsilçiləri iştirak etmişlər.

Panel hissədən sonra Toplantı öz işini müxtəlif mövzulu panellərdə davam etdirdi.

Toplantının yekunda Bakı Bəyannaməsini qəbul və əcnəbi QHT-lərin daxil olacağı beynəlxalq ictimai dəstək koalisiyasını təsis edilməsi gözlənilir.

Xeberle.com