Bu gün Sumqayıt şəhər Gənclər və İdman Baş İdarəsinin təşkilatçılığı  və şəhər Təhsil şöbəsi ilə birgə  N saylı hərbi hissədə"Şahin"Respublika hərbi-idman oyununun şəhər birinciliyinin final mərhələsi keçirilib.

Yarışmanın son mərhələsinə İ.Qayıbov adına 1, Azərbaycanın Milli Qəhrəmanı M.Quliyev adına3,7,9,14,16,21,24,

Ş.İ.Xətai adına 30, Y.Məmmədəliyev adına 31, 43 saylı tam orta məktəblərin və N.Gəncəvi adına Texniki və Təbiət Elmləri Liseyinin X-XI sinif şagirdlərindən ibarət olan komandaları vəsiqə qazanıblar.

Yarışdan öncə yuxarıda adı çəkilən ümümtəhsil məktəblərinin şagirdlərinin Bayraq meydanından Azadlıq və Heydər Əliyev prospektləri boyunca Ümummilli lider Heydər Əliyevin şəhərdəki abidəsinin önünə qədər mətin addımlarla təntənəli keçidi təşkil edilib.

Sonra N nömrəli hərbi hissədə hərbi-idman oyununun şəhər birinciliyinə yekun vurulub.

Tədbirin açılış mərasimində hərbi hissə komandiri polkovnik-leytenant Cavad Rzayev, Sumqayıt şəhər Gənclər və İdman Baş İdarəsinin rəisi Musa Həsənov çıxış ediblər. Çıxışlarda ölkəmizdə və şəhərimizdə gənclərin hərbi-vətənpərvərlik tərbiyəsi istiqamətində məqsədyönlü və ardıcıl kursun həyata keçirilməsinin müsbət əhəmiyyəti ,gənc müstəqil dövlətimizin post-Sover respublikaları içərisində hərbi qüdrətinə görə sayılıb seçildiyi təqdirəlayiq hal kimi vurğulanıb.

Sonra məktəblilər yarışın əsasnaməsinə müvafiq olaraq "Sıra hazırlığı","Tüfəngdən hədəfə atəş açmaq","Fiziki hazırlıq", "Darağa patronun doldurulması və boşaldılması","Avtomatın sökülməsi və yığılması","Sanitarların yarışı","Maneələrin dəf olunması" və "Mülki müdafiə hazırlığı" mərhələləri üzrə bacarıqlarını nümayiş etdiriblər.

Yarışların nəticələri haqqında əlavə məlumat veriləcəkdir.