Bildiyiniz kimi, yeni yaradılan AYNA respublikanın Bakı, Sumqayıt, Gəncə şəhəri də daxil olmaqla bütün digər ərazilərində nəqliyyatın hərəkəti işlərinə cavabdehdir. Əvvəl Gəncə, Sumqayıt nəqliyyat xidməti ayrı-ayrı icra hakimiyyətinin balansında fəaliyyət göstərirdi. Sonradan onların yarıtmaz fəaliyyəti üzə çıxdı. Və beləliklə Dövlət Avtomobil Nəqliyyatı Xidmətinin balansında yeni Agentlik yarandı. Gəncə və Sumqayıt şəhərləri də həmin Agentliyə tabe edildi. Beləliklə, vahid idarəetmə sistemi yaradıldı.
Agentlik Bakı şəhəri istisna olmaqla digər bölgələrə yükdaşımalara, sərnişin daşımalara, avtovağzalların idarə edilməsinə və digər məsələlərə nəzarət edir.
Sumqayıtdada ictimai nəqliyyat sahəsində müəyyən çatışmazlıqlar müşahidə edilir. Bununla bağlı mediada və sosial şəbəkələrdə dəfələrlə müzakirə açılsa da, nədənsə müsbətə doğru ciddi dəyişiklik müşahidə edilmir. 2016-cı ildə qeydiyyata alınan "Sumqayıt Nəqliyyat” MMC Sumqayıt Şəhər İcra Hakimiyyəti başçısının tabeliyindədir. Onun nizamnamə kapitalı 50 manatdır. Təzəlikcə "Sumqayıt Nəqliyyat" MMC-yə yeni direktor da təyin edilib. Məzahir Piriyev şirkətin rəhbərliyində Sirac Səfərovu əvəz edib.
Bəs görəsən, Sumqayıt da daxil olamaqla digər bölgələrdə nəqliyyat sisteminə nəzarət edən AYNA adlı qurum varkən, "Sumqayıt Nəqliyyat” MMC hansı funksiyanı yerinə yetirir? Suallarımıza cavab almaq istəsək də təəssüf ki, bu mümkün olmadı...
Qeyd: Mövzunu davam etdirəcəyik...
Xəbərdən istifadə edərkən istinad etmək vacibdir.
