Abşeron-Xızı Regional Mədəniyyət İdarəsinə tabeli Sumqayıt şəhər H.Zeynalabdin qəsəbə Ə.Bakıxanov adına 1 nömrəli Uşaq İncəsənət Məktəbində Yaşıl dünya naminə həmrəylik ili və Ümummilli Lider Heydər Əliyevin anadan olmasının 101 illiyinə həsr olunmuş hesabat konserti keçirilib.
Xeberle.com xəbər verir ki, öncə Ulu Öndərin və torpaqlarımızın azadlığı uğrunda canından keçən şəhidlərimizin ruhu bir dəqiqəlik sükutla yad edilib.
Sonra məktəbin rəssamlıq şöbəsinin şagirdlərinin əl işlərindən ibarət rəsm əsərləri sərgilənib.
Hesabat konsertində Ulu öndər Heydər Əliyevin çoxşaxəli fəaliyyətindən, Azərbaycanın inkişafı və milli dövlətçiliyin gücləndirilməsi istiqamətində misilsiz tarixi xidmətlərindən, böyük xilaskarlıq missiyasından danışılıb. Konsertdə Fortepiano, Xalq Çalğı Alətləri şöbəsinin müəllim və şagirdləri müxtəlif bəstəkarların əsərlərinə müraciət edərək maraqlı musiqi nömrələri ifa ediblər.Konsert proqramı dinləyicilər tərəfindən rəğbətlə qarşılanıb.
Tədbirdə 44 saylı Sumqayıt-Xızı seçki dairəsindən deputat seçilmiş Müşfiq Məmmədli, Abşeron-Xızı Regional Mədəniyyət İdarəsinin sektor müdiri Zaur Cəfərov, Uşaq İncəsənət məktəbinin direktoru İradə Nəsirli və digər qonaqlarla birlikdə iştirak edib.
Xəbərdən istifadə edərkən istinad etmək vacibdir.
