Qan vermək böyük savabdır.Bu insanın ,vətəndaşın ictimailəşdirilməsi,sosiallaşdırılmasıdır.

Aprel ayının 4-də Qızıl Aypara Cəmiyyəti Sumqayıt şəhər bölməsinin təşkilatçılığı ilə Sumqayıt Dövlət Universitetində “Qan ver yaşat” devizi altında növbəti qanvermə aksiyası keçirilib.

Aksiyanın keçirilməsində məqsəd qan xəstəliklərindən əziyyət çəkən xəstələrə dəstək olmaq və onların qana olan ehtiyaclarını qismən də olsa ödəmək olub.Aksiyada 400 nəfərdən artıq müəllim və tələbə heyəti ,o cümlədən Qızıl Aypara Cəmiyyəti Sumqayıt şəhər bölməsinin işçi heyəti və könüllüləri iştirak ediblər.

Qanvermə aksiyası zamanı qan verənlər üçün çay süfrəsi təşkil olunub.Sonda isə qan verən donorlara bukletlər və hədiyyələr paylanılıb.

Qeyd edək ki, aksiyada 400 nəfərdən artıq insan iştirak etsə də onlardan 102 nəfərin qanı yoxlanılaraq götürülmüş və Mərkəzi Qan Bankına təhvil verilib.

Qızıl Aypara Cəmiyyəti Sumqayıt şəhər bölməsinin təlimatçısı: Manafova Sevinc