Dünən ATV kanalının təşkilatçılığı ilə Sumqayıt şəhərində yerləşən "N” saylı hərbi hissədə əsgər və zabit heyəti üçün konsert proqramı təqdim olunub.
Hərbi hissədə demək olar ki, bayram-bayrama qarışıb. Ulu öndər Heydər Əliyevin doğum günü, "Gül bayramı” və gənc əsgərlərin andiçmə mərasimi təntənəli şəkildə qeyd olunub.
Məşhur ifaçılar Sevda Yəhyayeva, Nadir Qafarzadə, Rəqsanə, Elza Seyidcahan, Bilal Əliyev, Almaxanım Əhmədova və başqaları öz ifaları ilə şəxsi heyəti sevindirib.
Qeyd edək ki, "Mənə biraz ondan danış” verilişinin aparıcısı, ATV kanalının məşhur siması Nanə Ağamalıyeva həmin gün hərbi geyimdə sözügedən konsert proqramının aparıcısı olub.
Konsert proqramından qısa video görüntünü və fotoları təqdim edirik:
(atv.az)
Xəbərdən istifadə edərkən istinad etmək vacibdir.
