Azərbaycanın Milli Qəhrəmanı Natiq Qasımovun anası Dursun Qasımovaya ev verilib.
Xeberle.com xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə Əlaqələr və Kommunikasiya şöbəsinin müdiri Fazil Talıbov feysbuk səhifəsində məlumat verib.
"Bu gün Əmək və Əhalinin Sosial Müdafiəsi Nazirliyi tərəfindən şəhid Milli Qəhrəman Natiq Qasımovun anası Dursun Qasımovaya Gəncə şəhərində yerləşən MİDA yaşayış kompleksindən ikiotaqlı, tam təmirli mənzil təqdim edilib. Qeyd edim ki, Prezident İlham Əliyevin 25 iyun 2024-cü il Sərəncamına əsasən, Natiq Səlim oğlu Qasımova "Azərbaycanın Milli Qəhrəmanı” adı verilib. Allah bütün şəhidlərimizə rəhmət eləsin!”, - deyə o bildirib.
Bir müddət əvvəl Natiq Səlim oğlu Qasımova "Azərbaycanın Milli Qəhrəmanı” adı verilməsi ilə əlaqədar onun anası Qasımova Dursun Əsgər qızına Prezident təqaüdü təyin edilmişdi.
Qeyd edək ki, iyunun 25-də Prezident İlham Əliyev Natiq Qasımova "Azərbaycanın Milli Qəhrəmanı” adının verilməsi ilə bağlı Sərəncam imzalayıb.
Xəbərdən istifadə edərkən istinad etmək vacibdir.
