Sumqayıtda Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə "Qadın Təşəbbüsü və Sosial Problemlərin Həllinə Yardım” İB "Sumqayıt şəhəri və yaxın regionlarda insan alverinə qarşı mübarizə sahəsində tədbirlərin təşkili” layihəsi çərçivəsində dəyirmi masa keçirilib.

"Qadın Təşəbbüsü və Sosial Problemlərin Həllinə Yardım” İctimai Bilriyinin sədri Zenfira Mustafayeva layihə çərçivəsində insan alveri qurbanlarına sosial-hüquqi xidmət və fərdi-psixoloji konsulatsiya yardımlarının həyata keçiriləcəyini bildirib. Z. Mustafayeva layihə çərçivəsində mütəmadi olaraq dəyirmi masaların da təşkil ediləcəyini diqqətə çatdırıb.

Dəyirmi masada potensial qurbanlar, gənc ailələr və psixoloqlar iştirak ediblər. Ekspert Kəmalə Ağazadə mövzu haqqında dəyirmi masa iştirakçılarına geniş məlumat verib. Bildirilib ki, insan alveri silah və narkotik alverindən sonra, ən gəlirli sahə hesab edilir və ona görə də bu işlə məşğul olan cinayətkarlar insan alveri ilə mübarizəyə müqavimət göstərirlər. Dəyirmi masada "İnsan alveri nədir?”, "Onun qurbanı əsasən kimlər olur?, ” "Özümüzü bu təhlükədən necə qorumalı?” suallarına aydınlıq gətirilib.

Tədbir iştirakçıları insan alveri haqqında biliklərini daha da artırıblar. Dəyirmi masaya qatılanlar mövzuya aid filimlərə də tamaşa ediblər.
Xeberle.com