Qərbi Azərbaycan İcması (QAİ) Sumqayıt şəhər nümayəndəliyi və Gorus rayon Qurdqalaq kənd icması tələbələri təbrik etdi.
Sumqayit.tv-in verdiyi məlumata görə, QAİ Sumqayıt şəhəri üzrə nümayəndəliyində baş tutan görüşdə, əsas məqsəd əslən Qurdqalaqdan olan 8 tələbəni həvəsləndirici hədiyyələrlə təltif etmək olub.
Görüş Azərbaycanın müstəqilliyi uğrunda canlarından keçən şəhidlərin bir dəqiqəlik sükutla yad edilməsi ilə başlayıb.
Tədbiri giriş sözü ilə Sumqayıt nümayəndəliyinin sədri Ramiz İsmayılov açıb.
O, Qurdqalaq kənd icmasının üzvlərini öz adından və Qərbi Azərbaycan İcması İdarə Heyyətinin sədri, millət vəkili Əziz Ələkbərlinin adından salamlayıb. R. İsmayılov görüşə qatılan tələbələrin timsalında bu il tələbə adını qazanan bütün abituriyentləri təbrik edib onlara elmli və bilikli olmağı arzulayıb.
Sonra Qurdaqlaq kənd sakini, QAİ Sumqayıt nümayəndəliyinin İdarə Heyətinin üzvü Elçin Abdullayev çıxış edib. O da öz növbəsində gənc tələbələrə ugurlar diləyib. E.Abdullayev bildirib ki, bu il Qurdqalaq kəndinin 8 abituriyenti olub, onların hamısı da tələbə adını qazanıb.
Daha sonra, sözügedən kənd icmasının sədri Fuad Məmmədov, kənd Ağsaqqalar şurasının sədri, seyid Əhəd Məmmədov, kənd Qadınlar şurasının sədri Mehriban İsmayılova tələbələrə xoş arzularını çatdırıblar.
Tələbələrin valideyinləri adından danışan Ramilə Ağayeva belə bir tədbiri yüksək qiymətləndirdiyini və tələbələrin sevincinə-sevinc qatan təşəbbüsü alqışladığını dilə gətirərək, təşkilatçılara minnətdarlığını bildirib.
Sonda tələblərə hədiyyələr verilib xatirə şəkilləri çəkdirilib.
Xəbərdən istifadə edərkən istinad etmək vacibdir.
