Sentyabrın 27-də Anım Günü ilə əlaqədar Sumqayıtdakı Şəhidlər xiyabanı kompleksində şəhidlərin əziz xatirəsi izdihamla yad olunub. Keçirilən tədbirdə Sumqayıt Şəhər İcra Hakimiyyətinin, hüquq-mühafizə orqanlarının rəhbərləri, Milli Məclisin deputatları, şəhid ailələri və şəhər ictimaiyyətinin nümayəndələri iştirak ediblər.
İştirakçılar əvvəlcə şəhidlərin ruhuna ehtiram əlaməti olaraq kompleksin girişində ucaldılan "Qalib əsgər” abidəsi önünə əklil və gül dəstələri qoyublar. Saat 12:00-da şəhidlərin əziz xatirəsi bir dəqiqəlik sükutla yad olunub.
Sumqayıt Dövlət Teatrının aktyorlarının ifasında ədəbi–bədii kompozisiya təqdim olunub.
Sonra şəhidlik zirvəsinə ucalan qəhrəmanların məzarları ziyarət olunub, ruhlarına dualar oxunub.(AZƏRTAC)
Xəbərdən istifadə edərkən istinad etmək vacibdir.
