Polşanın Belostok şəhərinin meri Tadeuş Truskolyaski Sumqayıt şəhərində səfərdədir. Qonağın şərəfinə Muğam Mərkəzində konsret proqramı təşkil olunub.
Konsert proqramında Sumqayıt şəhər İcra Hakimiyyətinin başçısı Zakir Fərəcov, Polşanın Belostok şəhərinin meri Tadeuş Truskolyaski, idarə, müəssisə, təşkilat rəhbərləri və ictimaiyyət nümayəndələri iştirak edib. İncəsənət ustalarının ifaları tədbir iştirakçılarına xoş ovqat bəxş edib.
Tədbirdə çıxış edən Zakir Fərəcov qeyd edib ki, Sumqayıtın dünyanın 15 ölkəsini əhatə edən 20-dən çox şəhərlə dostluq və partnyorluq münasibətləri mövcuddur.
Polşanın Belostok şəhəri ilə Sumqayıt şəhəri arasında 2009-cu ildən mövcud olan əməkdaşlıq əlaqələri bu günə qədər uğurla davam edir. Bu müddət ərzində hər iki şəhərin nümayəndə heyətlərinin səfərləri baş tutmuşdur.
Zakir Fərəcov bildirib ki, Sumqayıt və Belostok arasında gələcək əməkdaşlıq üçün geniş imkanlar olduğunu vurğulayıb.
Polşanın Belostok şəhərinin meri Tadeuş Truskolyaski göstərilən diqqətə görə minnətdarlığını bildirib. İkitərəfli əlaqələrin bundan sonra da sıx inkişaf edəcəyini diqqətə çatdırıb.
Xəbərdən istifadə edərkən istinad etmək vacibdir.
