Minatəmizləmə fəaliyyəti ilə bağlı məlumatların toplanılması, idarə olunması və istifadəsi üçün səlahiyyətli qurum tərəfindən minatəmizləmə fəaliyyətinə dair informasiya sistemi formalaşdırılacaq və aparılacaq.
APA-nın xəbərinə görə, bu, bu gün Milli Məclisin Müdafiə, təhlükəsizlik və korrupsiya ilə mübarizə komitəsinin iclasında müzakirəyə çıxarılan "Minatəmizləmə fəaliyyəti haqqında” qanun layihəsində əksini tapıb.
Layihəyə əsasən, səlahiyyətli qurum və icraçılar tərəfindən aparılmış qeyri-texniki və texniki tədqiqat, təmizləmə, minatəmizləmə fəaliyyəti həyata keçirilmiş ərazilər və bu zaman aşkar edilmiş partlayıcı sursatlar, partlayıcı sursat qurbanları barədə, habelə bu Qanunda nəzərdə tutulmuş digər məlumatlar minatəmizləmə fəaliyyətinə dair informasiya sisteminə daxil ediləcək.
Minatəmizləmə fəaliyyətinə dair informasiya sistemi haqqında əsasnamə müvafiq icra hakimiyyəti orqanının müəyyən etdiyi orqan (qurum) tərəfindən təsdiq ediləcək.
Xəbərdən istifadə edərkən istinad etmək vacibdir.
