Sumqayıt Şəhər İcra Hakimiyyəti (ŞİH) radikal
dini qrupların bu şəhərdə aksiya keçirəcəyi ilə bağlı yayılan
məlumatlara münasibət bildirib.
İcra hakimiyyətinin informasiya təminatı və təhlili sektorunün müdiri Ayaz İmaməliyev virtualaz.org saytına açıqlamasında bildirdi ki, yayılan məlumatlar həqiqəti əks etdirmir.
A.İmaməliyev aprelin 13-də saat 12:00-da Sumqayıt ŞİH-in binası
qarşısında etiraz aksiyasının keçirilməsi ilə bağlı şəhər küçələrində
elanların vurulması xəbərinin də yalan olduğunu söylədi: “Əgər şəhər
küçələrində belə elanlar vurulsaydı, təbii ki, bizim bundan xəbərimiz
olardı. Bu məlumatların nəyə istinadən yazıldığını bilmirik”.
--------------------------------------------------------------------------------------------------------------------------------------------------
Qeyd edək ki, publika.az saytının yaydığı məlumatda radikal dini qruplar (vəhhabilərin olduğu deyilir) aprelin
13-də saat 12.00-da Sumqayıt Şəhər İcra Hakimiyyətinin qarşısında etiraz
aksiyası təyin edildiyi deyilirdi.
Yayılan məlumatda artıq Sumqayıtda divarlara aksiyaya çağırış vərəqələri yapışdırıldığı və bundan əlavə, Bakı-Sumqayıt marşrutunda çalışan bəzi taksi sürücülərinin də
insanların aksiyalara gəlməsi barədə təbliğat apardıqları əks olunmuşdu.
