2024-cü il sentyabrın 1-də keçirilmiş seçkilərdə Azərbaycan Respublikası Milli Məclisinin 45 saylı Sumqayıt dördüncü seçki dairəsindən deputatı seçilmiş Səbinə Salmanova növbəti vətəndaş qəbulunu keçirib.
Xeberle.com xəbər verir ki, Sumqayıt şəhərindəki Muğam Mərkəzində seçicilərlə fərdi qaydada görüşən millət vəkili ona ünvanlanan sualları və müraciətləri dinləyib, seçiciləri narahat edən məsələlər ətrafında fikir mübadiləsi aparıb.
Vətəndaşlar əsasən sağlamlıq, məişət problemləri və işlə təminat kimi məsələlərlə bağlı müraciət ediblər.
Qəbul əsnasında bir sıra məsələlər yerindəcə həll olunub. Eyni zamanda qaldırılan bir sıra məsələlər nəzarətə götürülüb, bəzilərinin həlli istiqamətində isə tövsiyələr verilib.
Deputat vətəndaşların müraciətlərinə yüksək həssaslıqla yanaşılması barədə dövlət başçısının verdiyi tapşırıqlara uyğun olaraq, daxil olmuş vətəndaş müraciətlərinə yüksək həssaslıqla yanaşıldığını, müraciətlərin tam, hərtərəfli araşdırılaraq, onların həlli istiqamətində qanunvericiliyin tələblərinə uyğun şəkildə addımlar atıldığını diqqətə çatdırıb.
Qeyd edək ki, millət vəkili bəzi seçicilərin işləri ilə əlaqədar ona ünvanladıqları müraciətini nəzərə alaraq bu ay ərzindəki vətəndaş qəbullarını həftənin bazar günləri keçirib.
S.Salmanovanın bundan öncəsi vətəndaş qəbulu isə ötən həftənin bazar günü - oktyabrın 13-də olmuşdu.
Xəbərdən istifadə edərkən istinad etmək vacibdir.
