Azəri Gənclər Alyansı İctimai Birliyi Azərbaycan Gənclər Fondunun maliyyə dəstəyi ilə "Gənclərin yaşıl enerjiyə keçidinin təşkili” adlı layihəni uğurla başa çatdırıb.
Xeberle.com xəbər verir ki, layihə çərçivəsində COP29 müddətində Sumqayıt şəhərinin Heydər Əliyev Mərkəzində 100 nəfər 16-25 yaşarası gənclər üçün 3 günlük interatiktiv üsullarla maarifləndirici təlimlər keçirilib və mövzu ətrafında iştirakçılarla geniş müzakirələr aparılıb.
Azəri Gənclər Alyansı İctimai Birliyinin sədr müavini Nəzrin Fəyyaz tədbirlərin açılışını etdikdən sonra millət vəkilləri Mehriban Vəliyeva, Elnarə Akimova mövzu ətrafında çıxış ediblər. Deputatlar COP29 müddətində gənclərin yaşıl həyat tərzinə təşviq edilməsinin mühim hadisə hesab ediblər.
Sonra ekspert Minayə Ələkbərli və təlimçi Sevinc Qasımova yaşıl həyat tərzinə keçid və eko davranışlar mövzusunda çıxış edərək gəncləri eko həyat ilə bağlı məlumatlandırıblar.
Daha sonra gənclərlə canlı diskurs aparılıb və mövzu ətrafında rəy və təkliflər qeydə alınıb.
Eyni zamanda, "Gənclərin Yaşıl Enerjiyə keçidinin təşkili” adlı maarifləndirici layihə çərçivəsində Sumqayıt şəhərində gənclərə ekohəyat haqqında biliklər aşılanıb. Sumqayıt şəhərində 40 nəfər fəal könüllü gənc və ictimaiyyət nümayəndəsi ilə birlikdə ağacəkmə aksiyası da həyata keçirilib. Sonda iştirakçılara sertifikatlar təqdim edilib.
Xəbərdən istifadə edərkən istinad etmək vacibdir.
