Fövqəladə Hallar Nazirliyinin Sumqayıt Regional Mərkəzi xidmət sahələri üzrə Sumqayıt Dövlət Peşə Təhsil Mərkəzində, Sumqayıt şəhər 8 və 14 nömrəli tam orta məktəblərində, Sumqayıt Bələdiyyəsində, 1 nömrəli Şəhər Xəstəxanasında,
"Sumqayıt Gənclər evi” sosial xidmət müəssisəsində və 2 saylı Ərazi Vergilər Baş İdarəsində "Fövqəladə hallarla bağlı davranış qaydaları” mövzusunda silsilə maarifləndirmə tədbirləri təşkil edərək keçirib.
Mərkəzdən Xeberle.com saytına verilən məlumata əsasən, tədbirlərin keçirilməsində məqsəd baş verə biləcək təbii və texnogen xarakterli fövqəladə hadisələrlə bağlı zəruri davranış qaydaları barədə vətəndaşlara müvafiq biliklərin verilməsi olub.
Tədbirdə Sumqayıt Regional Mərkəzinin, Sumqayıt Regional Dövlət Yanğın Nəzarəti İdarəsinin əməkdaşları və vətəndaşlar iştirak edib.
Tədbirlərdə fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların baş vermə səbəbləri və bu zaman zəruri davranış qaydaları barədə ətraflı məlumat verilib, FHN-in "112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İnteraktiv formada keçirilən tədbirlər zamanı suallar ətraflı cavablandırılıb.
Xəbərdən istifadə edərkən istinad etmək vacibdir.
