Uzun illərdir Norveçin Stavanger şəhərində yaşayan İradə İsmailiyə ictimai vəzifə verilib. O, Norveç-Azərbaycan Cəmiyyətinin Stavanger şəhəri üzrə sədri seçilib. 1 fevral 2025-ci il tarixində keçirlən seçkilərdə çoxluğun (95%) səsini toplayan İradə xanım ilk dəfədir bu vəzifəni icra edəcək.
İradə İsmaili Xeberle.com-a açıqlamasında əsas məqsədinin norveçlilərə mədəniyyətimizi, adət-ənənələrimizi və ədəbiyyatımızı təbliğ etmək, habelə ana dilində məktəb açmaq olduğunu vurğulayıb: "Çünki, uşaqlarımız köklərinin hardan olduğunu bilməlidirlər. Onlar Norveç vətəndaşları olsalar da, ana dillərini öyrənməlidirlər. Bu mənada "Dədə Qorqud" adlı Azərbaycan məktəbi açmaq niyyətindəyik. Əsas hədəfim azərbaycanlıları bir yerə toplamaq, şəbəkələşmək və sosiallaşmaqdır. Bu
şimal ölkəsində yaşamağa qərar verən hər bir soydaşımıza adaptasiya məsələndə də dəstək olmağa çalışırıq.
Digər bir istəyim isə yaşadığımız şəhərdə Azərbaycan Evinin olmasıdır. Planlarımız çoxdur. Hazırda Novruz bayramına hazırlıq işləri görürük”.
Xatırladaq ki, İ.İsmaili ailəlidir, 3 övladı var. 24 ildir Norveçdə yaşayan xanım tibb üzrə Azərbaycan və Norveçdə təhsil alıb.
Xəbərdən istifadə edərkən istinad etmək vacibdir.
