Ölkədə müşahidə olunan qarlı hava şəraiti ictimai nəqliyyatda ciddi çətinliklər yaradıb. Xeberle.com-a müraciət edən Sumqayıt sakinləri səhər saatlarından şəhər avtovağzalında Bakı-Sumqayıt ekspress avtobuslarının gecikdiyini və bu səbəbdən sıxlıq yarandığını bildiriblər.
Məsələ ilə bağlı a Azərbaycan Yerüstü Nəqliyyat Agentliyi (AYNA) ilə əlaqə saxladıq. Qurumun mətbuat katibi Tural Orucov açıqlamasında deyib ki, paytaxtın çıxışında müşahidə edilən nəqliyyat sıxlığı səbəbindən avtobuslararası intervallarda artım müşahidə edilib:
"Paytaxtı Sumqayıt şəhəri ilə əlaqələndirən 594 və 595 nömrəli marşrutlar üzrə gündəlik 35 avtobus fəaliyyət göstərir. Bütün avtobuslar xəttə çıxarılıb. Paytaxtın çıxışında müşahidə edilən nəqliyyat sıxlığı səbəbindən avtobuslararası intervallarda artım müşahidə edilib. Hazırda qeyd edilən xətlər üzrə sərnişindaşıma adi rejimdə davam etdirilir”.
Elşən Yəhyayev
Xəbərdən istifadə edərkən istinad etmək vacibdir.
