Sumqayıtın bəzi ərazilərində dünəndən suyun verilişi dayandırılıb.
Xeberle.com-a müraciət edən Xəzər bağları və H.Z. Tağıyev qəsəbəsinin sakinləri xəbərdarlıq edilmədən suyun kəsildiyini və bundan narazılıqlarını ifadə ediblər.
Məsələ ilə bağlı İri Şəhərlərin Birləşmiş Su Təchizatı Xidməti ilə əlaqə saxladıq. Qurumdan Xeberle.com-a bildirilib ki, artıq suyun verilişi bərpa edilib:
"İntensiv yağışlardan sonra ərazini içməli su ilə təchiz edən magistral su xəttində bulanıqlıq yaranıb. Bu səbəblə suyun verilişi dayandırılıb. Əhaliyə verilən içməli suyun təmizlənməsi ilə əlaqədar işlər icra edilib, hazırda işlər yekunlaşıb, magistral xəttə suyun verilməsi bərpa edilib”.
Xəbərdən istifadə edərkən istinad etmək vacibdir.
