Bakı-2015 Avropa Oyunları ilə bağlı idmançıların təhlükəsiz hərəkətini təmin etmək məqsədilə çəkilən "Oyun zolağı” bir küçədə problem yaradıb. Ötən gün "Bakı-2015” zolağına avtomobillərin çıxmasına qoyulan qadağanın qüvvəyə mindiyi ilk gündə 500-dən artıq avtomobilin cərimələndiyi rəsmən açıqlandı. İyulun 1-nə qədər qüvvədə olacaq qadağanın pozulması isə bəzən məcburi hal alır. Videodan da görünür ki, Azneft meydanından Bayıl istiqamətinə gedən ikizolaqlı yolda ikinci zolaqda avtomobillər park edildiyi üçün sürücülər məcburi qaydada "Bakı-2015” zolağına çıxırlar.  (avtosfer.az)