`Biz atıq İMAX-ın haqlarını və lisenziyasını əldə etmişik. Kanada ilə müqaviləmiz 2012-ci ildə imzalanıb. Oktyabr ayında İMAX formatlı kinoteatrı istifadəyə verəcəyik`.

Bu sözəri AzVision.az-a açıqlamasında “Park Cinema” kinoteatrlar şəbəkəsinin direktoru Namiq Quliyev deyib.

Onun sözlərinə görə, İMAX kinoteatrı “Alov Qüllələri”ndə yerləşən alış-veriş mərkəzində yaradılır. 

Qeyd edək ki, geniş formatlı filmlər göstərilməsi üçün nəzərdə tutulmuş İMAX sistemi 1970-ci ildə Kanadada yaradılıb. 3D filmlər bu formatda xüsusilə effektiv görünür.