Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin yeni rəisi Fuad Əlizadə özünə yeni müavin təyin edib. 

AzVision.az-a daxil olan məlumata görə, F.Əlizadə Dövlət Əmək Müfəttişliyi Xidmətinin 5 saylı region üzrə rəisi Hüseynov Səbuhi Şamil oğlunu müavin təyin edib. 

S.H üseynov 24 noyabr 1967-ci ildə Gəncə şəhərində anadan olub. 1984-1990-ci illərdə D.Bünyadzadə adına Azərbaycan Xalq Təsərrüfatı İnstitutunun Sənayenin iqtisadiyyatı fakültəsində təhsil alıb.

1990-1992-ci illərdə Dövlət Vergi Müfəttişliyində qiymət və tariflərə nəzarət şöbəsinin müfəttişi vəzifəsində, 1992-1993-cü illərdə “Ravi” MMC-də iqtisadçı vəzifəsində, 1993-1994-cü illərdə “Ruzibank” Səhmdar Bankının sədr müavini, 1994-1998-ci illərdə Azərbaycan Respublikası Ədliyyə Nazirliyi Məhkəmə Qərarlar İcrası Baş İdarəsində təftiş bölməsinin şöbə rəisi, 2008-2014-cü illərdə Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin müxtəlif regionlarında rəis vəzifəsində çalışıb. Ailəlidir, 3 övladı var.

Qeyd edək ki, Dövlət Əmək Müfəttişliyi Xidmətinin rəisi Fuad Əlizadə mart ayının əvvəllərində əmək və əhalinin sosial müdafiəsi naziri Səlim Müslümovun əmri bu posta təyinat alıb.