Bu gün Sumqayıtda Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə "Qadın Təşəbbüsü və Sosial Problemlərin Həllinə Yardım” İctimai Birliyi "Sumqayıt şəhəri və yaxın regionlarda insan alverinə qarşı mübarizə sahəsində tədbirlər” layihəsi çərçivəsində "Azərbaycanda insan alveri qurbanlarının, potensial qurbanların müəyyən edilməsi və onlara kömək edilməsi məqsədi ilə potensialların artırılması” mövzusunda təlim keçirib. 

Tədbiri giriş sözü ilə ilə açan  layihə rəhbəri Zenfira Mustafayeva açaraq bildirib ki, son zamanlar adıçəkilən sahədə dəfələrlə ictimaət marifləndirilsə də mövzu öz aktuallığını saxlamaqdadır. "Məqsədimiz bu sahədə potensial qurbanları müəyyən etmək, onlara hüquqi və psixoloji yardım etmək, ən əsasi onların insan alveri qurbanına çevrilməsinin qarşısını almaqdır” deyə o  qeyd edib.

 Dəvət olunmuş ekspetlər ilə tədbir iştirakçılarının maraqlı diskusiyası ilə tədbir davam etdirildi. Ekspetlər ilk əvvəl insan alveri haqqında iştirakçıların biliklərini öyrənib müəyyən məqamlara toxunublar. Bu sosial bəlanın yaranma səbəbi qeyd olunaraq vurğulandı ki, insan alverinin yaranmasına şərait istismar və gəlir  əldə etmə məqsədilə həyata keçirilən insan alverinin sosial iqtisadi  təbiəti,  kasıbçılığın artması,  əmək bazarında ayrı-seçkilik,  eyni zamanda geniş əhali kütləsinin  məşğulluq, təhsil, sosial müdafiə  və digər resurslara  çıxışının effektiv təmin edilməsində əngəllərdən irəli gəlir: "Bundan başqa şərt o deyil ki, potensial qurban təkcə əhalının savadsız və imkansız təbəqəsi ola bilər. Bundan kimsə sığortalanmayıb.” 

Buna görə istər ölkəmizdə istərsə də Azərbaycandan kənarda olarkən nələrə diqqət yetilməsi haqqında yetərincə məlumatlar tədbir iştirakçılarının diqqətinə çatdırılıb.

Daha sonra layihə üzrə huquqi yardım məsələləri  üzrə mütəxəsis Ruslan Mustafazadə və psixoloji yardım məsələləri üzrə Samirə İsmayılova öz fikirlərini və tövsiyyələrini bildiriblər. Qeyd olunub ki, bu cür zərərçəkmiş şəxslərə "Qadın Təşəbbüsü və Sosial Problemlərin Həllinə Yardım” İctimai Birliyində istər hüquqi istərsə də psixoloji yardım təmənnasız olaraq göstərilir.

Sonda təlim iştirakçılarını maraqlandıran suallar cavablandırılıb.

Akif Nəsibov