Belarus Prezidentinin Xüsusi Fondunun baş mükafatını bu il əslən azərbaycanlı - tərtərli olan 13 yaşlı Ruslan Aslanov alıb. 
Ruslan Belarusda doğulub. Onun atası ora 1989-cu ildə gəlib. Belarusda doğulmasına baxmayaraq, qarabağlı geni özünü göstərib: Ruslanın çox gözəl səsi var. Və kiçik yaşda artıq bir neçə beynəlxalq müsabiqələrin laureatıdır.
Tərtərdən seçilən millət vəkili Sahib Alıyev bununla bağlı Ruslanın ailəsini təbrik edib: "Ruslan balamıza uğurlar arzulayıram! Tərtərin ağsaqqallarından biri kimi tanıdığım babası Ağa kişiyə "gözünüz aydın olsun",- deyirəm. Çox ehtimal ki, iyulda Minskdə olacam, onda mütləq görüşüb həm bu istedadlı balamızı təbrik edəcəyəm, həm də belə bir fəxr olunası OĞUL böyütdüklərinə görə valideynlərinə təşəkkürümü çatdıracağam”.  (avropa.info)