Sumqayıtlı gənclər bölgələrə səyahət edərək, orada baş verən paranormal hadisələri araşdırmağa başlayıblar. İlk dayanacaqları isə qədim tarixi və sirli hekayələri ilə seçilən Şamaxı şəhəri olub.
Qeyd edək ki, Nurlan Hasansoy və Asif Əliyev Azərbaycanın ilk youtuberlərindən hesab olunurlar. Onların 8 il əvvəl çəkdikləri "küçədə üşüyən uşağa reaksiya” adlı videosu böyük rezonans doğurmuş və 9 milyon izlənmə toplamışdı.
Bir müddətlik fasilədən sonra onlar yenidən sosial mediaya qayıdıblar. Bu dəfə isə komandalarına yeni üzv – Elbrus Şirinov da qoşulub. Onlar birlikdə ölkənin müxtəlif bölgələrində yayılan paranormal hadisələri araşdıraraq izləyicilərə real və həyəcanlı görüntülər təqdim etməyi hədəfləyirlər.
Xəbərdən istifadə edərkən istinad etmək vacibdir.
