Bu gün Sumqayıt şəhər Gənclər və İdman Baş İdarəsinin təşkilatçılığı ilə “Ağsaqqallar Evi”ndə “Xəmsə” Milli İntellektual Oyunu üzrə VII Azərbaycan Çempionatının Abşeron zonası üzrə seçim turu keçirilib. İdarədən Xeberle.com-a verilən məlumata görə Baş İdarənin nəzdində “Sumqayıt İntellekt Mərkəzi” Klubunun fəallarının aparıcılığı və münsifliyilə baş tutmuş yarışda Sumqayıt şəhərinin və Xızı rayonunun komandaları iştirak edib.

Gənclər və İdman Baş İdarəsinin Gənclərlə iş sektorunun müdiri Rüstəm Sadıqzadə intellektual sahədə təşkil olunan müsabiqə və yarışlardan danışıb, gənc nəslin formalaşmasında onların mühüm əhəmiyyətini nəzərə çatdırıb. O, yarışın iştirakçısı olan gənclərə uğurlar diləyib.

Gərgin mübarizədən sonra ən yüksək xal toplayan “Sumqayıt” (Sumqayıt şəhəri), “Avengers” (Sumqayıt şəhəri) və “Nautilius” (Xızı rayonu) “Xəmsə” Milli İntellektual Oyunu üzrə VII Azərbaycan Çempionatının Əsasnaməsinə və Qaydalarına müvafiq olaraq Çempionatın Quba şəhərində keçiriləcək Final mərhələsində iştirak hüququ qazanıblar