Şərəfini itirənlərə meydan verməyək....

Deyilənə görə bu şəxsin familiyası Səfərov, adı Seymurdur. "Lider” televiziyasının müxbirinə özünü əcnəbi, turist kimi təqdim edib, ingiliscə müsahibə verib, sonra da aləmə car çəkiblər ki, ay camaat "Lider” televiziyası onu əcnəbi kimi efirdə göstərib. Bununla da məsələ bütün sosial şəbəkələrdə bir nömrəli müzakirə mövzusuna çevrilib. Bilən də yazır, bilməyən də. Amma daha çox subyektiv fikirlərlə rastlaşırıq. Əslində isə, reportajdakı bu müsahibəyə görə müxbiri yox, məhz həmin bu addımla təxribat yaratmaq istəyən bu şəxsi qınamaq lazımdır. Jurnalistlər analoji beynəlxalq tədbirlərdə gərgin və sıx rejimdə çalışırlar. Bu qaça-qaçda hansısa Azərbaycan vətəndaşının belə təxribatla məşğul olacağı kimi ağlına gələr?! Qəsdən özünü əcnəbi kimi təqdim edir və sonra bunu məqsədli şəkildə video olaraq yayıb, öz aləmlərində nəyə isə nail olmaq istəyirlər. Nəyə? Ay insan, ay bekar...

"DNT” anailizi aparılmalıdır?

Jurnalisti qınayanlara isə sual vermək istəyirəm ki, idman yarışlarının bu sıxlıqda davam etdiyi, media nümayəndələrinin bəzən istirahətsiz çalışdığı bu vaxtlarda hər müsahibin üzərində "DNT” anailizi aparılmalıdır? Yoxsa bundan sonra müsahibin şəxsiyyət vəsiqəsini, doğum şəhadətnaməsini, "JEK”-dən arayışını da tələb edək?! Bəziləri deyir ki, niyə müxbir onun azərbaycanlı olduğunu anlamayıb? Bir məqama diqqət çəkirəm. Böyük Britaniyanın Azərbaycandakı səfiri İrfan Siddiq - (tanımayanlar onun adını google.az-da yazmaqla şəklinə baxa bilərlər) O, küçədə kimin rastına çıxsa elə bilər ki, Salyanın flan kəndinin sakinidir. Yəni ingilis, italyan və ya başqa Avropa ölkəsinin nümayəndələri arasında həmyerlilərimizə oxşayanlar heç də az deyil.

Xəyanət...

Problem və məsələ ondadır ki, həmin o Seymur Səfərov məqsədli şəkildə jurnalisti aldadıb. Bir daha vurğulayıram, bu cür tədbirlərdə jurnalistlər "analiz" aparmaq üçün vaxt sərf edə bilmirlər. İş çox, vaxt az. Xəbər və onun ətrafında yaşananları bir an öncə tamaşaçıya çatdırmaq həyacanı da buna əlavə olunanda vəziyyəti anlamaq o qədər də çətin deyil. Bu məxluqun (seymur səfərov) tək jurnalistə yox, xalqına, dövlətinə qərəzli mövqeyini, xəyanətini görmək üçün iki göz yox, sadəcə vicdanlı vətəndaş olmaq kifayətdir.

Elnur Niftəliyev